2011-05-29,17:55
- Эрүүл мэндэд хэрэгтэй 6-н төрлийн хоол хүнс
Өөхгүй эсвэл өөх багатай мах Махны эргэн тойронд янз бүрийн үзэл бодол байдаг ч уургийн эх үүсвэр бол маханд л байдаг. 100гр мах идсэн хүн бүтэн өдөр ядрахгүй ажиллаж чаддаг. Хэдий тийм ч махыг хэт их идэх, өөх тосыг хамаагүй хэрэглэх нь сайн биш. Хүнд хоол учраас тэр. Аль болох өөх багатай мах хэрэглэж занш. Жимс Бүх төрлийн жимс нь амин дэм баялаг учир байнга хэрэглэх нь өвчин эсэргүүцэх чадварыг нэмэгдүүлнэ. Гэхдээ хэрэв та чихрийн шижин өвчтэй бол сахароз, фруктоз ихээр агуулсан (усан үзэм, лийр гэх мэт) жимс хэрэглэхгүй байвал зохино. Алимыг тогтмол хэрэглэх нь хавдраас урьдчилан сэргийлээд зогсохгүй ой санамж алдахад нөлөөлдөг тархины эсийн гэмтлийг зогсоох чадвартай аж. Сармис Сармис нь нянг устгах маш хүчтэй үйлчилгээг үзүүлдэг. Үүнийг байнга хэрэглэснээр ходоодны өвчнийг анагааж, тархины халдварт үрэвсэл, ханиад, гэдэсний үрэвсэл, суулгах, гүйлгэх зэрэг өвчнөөс сэргийлдэг байна. Хүнсний ногоо Бүх төрлийн хүнсний ногоонд эрч хүчийг улам сайжруулдаг аминдэм, эрдэс давс, ус, шим тэжээл бүхий нүүрс усаар элбэг байдаг. Түүнчлэн хоолны шингэлтийг сайжруулан хүчил, шүлтийн тэнцвэрийг хэвийн байдалд нь хадгалж, бодисын солилцоог идэвхжүүлдэг. Тараг Тараг нь мэдрэлийн системийг тайвшруулж, ходоод гэдэсний үйл ажиллагааг хөнгөвчилж, бие махбодид шим тэжээл өгдөг ажээ. Тарганд уургийн бодис их, харин тослог багавтар байдгаас зүрх судасны үйл ажиллагааг тогтмолжуулж, элэгний архаг өвчнөөс сэргийлэх ач холбогдолтой. Сүү нь тэр чигээрээ кальци болон Д, В2, В12 аминдэмээр баялаг. Тиймээс сүү байнга ууснаар хөгшрөх процесс удааширч, яс сийрэгжихээс айлтгүй болно.
Бичлэг
